Katumbas ito ng dagdag na ₱44 sa karaniwang 11-kilogram na tangke ng LPG.
Sa Dagupan City, nasa ₱1,250 hanggang ₱1,350 ang presyo ng 11-kilogram na LPG, depende sa tatak at lugar ng bentahan.
Inaasahang mararamdaman ng mga konsyumer ang dagdag-gastos, lalo na’t may posibilidad pang madagdagan ang presyo sa mga susunod na linggo.
Ayon kay Mary Cris Manuel, isang LPG retailer sa Dagupan, ramdam na rin nila ang epekto ng pagtaas ng presyo dahil nababawasan ang kanilang kita mula sa pagtitinda.
Aniya, patuloy nilang mino-monitor ang galaw ng presyo dahil nakaamba pa rin ang panibagong taas-singil.
Samantala, sinabi ni LPG Marketers Association President Arnel Ty sa isang panayam sa radyo na pinag-aaralan nila ang posibleng pagtaas ng presyo ng LPG ng ₱10 hanggang ₱25 kada kilo sa buwan ng Oktubre.
Ayon kay Ty, kabilang sa mga dahilan ng pagtaas ang patuloy na sigalot sa Middle East, na nakaaapekto sa gastos sa pagbiyahe at freight cost ng produktong LPG.
Kung matutuloy ang panibagong dagdag-presyo, maaari itong higit pang magpataas sa gastusin ng mga kabahayan at negosyong gumagamit ng LPG. | 𝙞𝙛𝙢𝙣𝙚𝙬𝙨𝙙𝙖𝙜𝙪𝙥𝙖𝙣
