Pinangunahan ng Alaminos City Police Station (ACPS) ang operasyon sa koordinasyon ng PDEA Regional Office 1, RID PRO1, PIT RIU1, PIU Pangasinan PPO at PNP PDEG SOU1.
Isinagawa ang operasyon alinsunod sa PDEA Pre-Ops Control No. 1-00-07102026-010, na nagresulta sa pagkakaaresto sa isang lalaking suspek at pagkakasamsam ng hinihinalang ilegal na droga at iba pang ebidensya.
Kabilang sa mga nakumpiska ang limang heat-sealed transparent plastic sachets na naglalaman umano ng puting mala-kristal na substansiya na hinihinalang shabu. Tinatayang 13 gramo ang kabuuang timbang nito, na may tinatayang street value na ₱88,400.
Narekober din ang apat na walang lamang plastic sachets na may hinihinalang drug residue.
Kasama rin sa mga nakumpiskang ebidensya ang mga tube pipe, disposable lighter, karagdagang transparent plastic sachets, gunting, digital weighing scale, ginamit at nirolyong aluminum foil, plastic container, stainless-steel stick at plastic hose na sinasabing may kaugnayan sa hinihinalang ilegal na aktibidad.
Ayon sa pulisya, isinagawa ang search operation sa presensya ng mga kinakailangang saksi. Minarkahan at isinailalim sa inventory on-site ang mga nakumpiskang item alinsunod sa umiiral na mga pamamaraan.
Dinala sa Alaminos City Police Station ang naarestong suspek at mga nakumpiskang ebidensya para sa kaukulang dokumentasyon at disposisyon.
Isusumite naman ang mga nakumpiskang hinihinalang ilegal na droga sa forensic unit para sa qualitative at quantitative examination upang matukoy ang aktuwal na komposisyon at timbang ng mga ito.
Hindi muna isinapubliko ng mga awtoridad ang pangalan, address at iba pang pagkakakilanlan ng naarestong suspek para sa public-information purposes. | 𝙞𝙛𝙢𝙣𝙚𝙬𝙨𝙙𝙖𝙜𝙪𝙥𝙖𝙣
