𝗣𝟮.𝟳-𝗠 𝗛𝗔𝗟𝗔𝗚𝗔𝗡𝗚 𝗚𝗢𝗔𝗧 𝗠𝗨𝗟𝗧𝗜𝗣𝗟𝗜𝗘𝗥 𝗙𝗔𝗥𝗠 𝗣𝗥𝗢𝗝𝗘𝗖𝗧, 𝗜𝗣𝗜𝗡𝗔𝗚𝗞𝗔𝗟𝗢𝗢𝗕 𝗦𝗔 𝗤𝗨𝗜𝗥𝗜𝗡𝗢 𝗣𝗥𝗢𝗩𝗜𝗡𝗖𝗘

Cauayan City – Pormal na inilunsad ng Department of Agriculture katuwang ang pamahalaang panlalawigan ng Quirino at mga lokal na pamahalaan ang Goat Multiplier Farm Project sa Bannawag Sur, Diffun.

‎

‎Bahagi ang programa ng mas pinaigting na Livestock Economic Enterprise Development o LEED Program na naglalayong palakasin ang livestock production at kabuhayan ng mga magsasaka at livestock raisers sa lalawigan.

‎

‎Umabot sa P2.7 milyon ang kabuuang halaga ng suportang ipinamahagi sa mga benepisyaryo kabilang ang 27 dekalidad na kambing na inaasahang makatutulong sa pagpapalawak ng produksyon ng kambing sa lugar.

‎

‎Kasama rin sa ipinamahaging assistance ang forage chopper, feeds at mga gamot para sa wastong pangangalaga ng mga alagang hayop.

‎

‎Bahagi rin ito ng pagsisikap ng pamahalaan na maisulong ang mas moderno at mas produktibong sektor ng paghahayupan upang higit pang mapabuti ang kabuhayan ng mga mamamayan sa Quirino.