𝟯𝟮-𝗔𝗡𝗬𝗢𝗦 𝗡𝗔 𝗚𝗨𝗥𝗢, 𝗧𝗜𝗠𝗕𝗢𝗚 𝗦𝗔 𝗕𝗨𝗬-𝗕𝗨𝗦𝗧 𝗢𝗣𝗘𝗥𝗔𝗧𝗜𝗢𝗡 𝗦𝗔 𝗖𝗔𝗚𝗔𝗬𝗔𝗡

CAUAYAN CITY- Isang 32-anyos na guro ang naaresto sa isinagawang buy-bust operation noong ika-8 ng Hulyo sa Brgy. Sta. Cruz, Ballesteros, Cagayan.

Kinilala ang suspek na si alyas “Mj” at residente ng nabanggit na lugar.

Batay sa ulat, naaresto ang naturang susepk matapos umano itong magbenta ng hinihinalang shabu sa isang undercover operative. Sa isinagawang imbentaryo, nakumpiska ang isang heat-sealed transparent plastic sachet na naglalaman ng hinihinalang shabu na may tinatayang timbang na limang gramo at standard drug price na umaabot sa ₱34,000. Nabawi rin ng mga operatiba ang buy-bust money na ginamit sa transaksyon.

Inihahanda na ang pagsasampa ng kasong paglabag sa Section 5, Article II ng Republic Act No. 9165 o ang Comprehensive Dangerous Drugs Act of 2002 laban sa suspek.