Sa pakighinabi sa DXDC RMN Davao kang Kapitan Ceballos, iyang gibutyag nga pasado alas-12:20 sa udto nagsugod ang pagdahili sa basura, diin lima ka tao ang naapektohan lakip na ang duha ka senior citizen nga padayon pang ginapangita as of alas-6:20 sa gabii.
Subay niini, nagtinabangay karon ang lokal nga panggamhanan sa Davao ug uban pang ahensya sa gobyerno, ingon man nga dali sab nga gi-evacuate ang 200 ka panimalay nga nahimutang sa maong lugar ngadto sa Barangay Hall aron masiguro ang ilang kaluwasan ilabi na nga nagpadayon pa sa paglihok ang basura tungod sab matud pa sa pila ka adlaw nga pag-ulan sa maong area.
Nagpahimangno sab ang kapitan sa katawhan nga mag evacuate gilayon ug agwantahon una ang sitwasyon tungod alang sab kini sa kaluwasan ug seguridad sa tanan.
RadyoMan Wil Duran
