Davao City – Gipangandaman karon sa Office of the Civil Defense (OCD) Davao Region ang gikabalak-ang kalamidad base sa ilang komunikasyon sa Philippine Atmospheric Geophysical and Astronomical Services Administration (PAGASA).
Matod kang OCD XI Regional Director Ednar Dayanghirang, dako ang iyang kahadlok sa gibutyag sa PAGASA nga ang El Niño, habagat ug bagyo nga posibleng mahitabo sa bulan sa Hunyo, Hulyo, ug Agosto ning tuiga.
Dugang pa sa opisyal nga buot niya nga maandam ang mga kabarangayan sa maong kalamidad ingon man ang tagsa-tagsa ka panimalay.
Kahinumduman nga nakasinati og kalamidad ang Davao Region, ilabi na ang Dakbayan sa Davao niadtong Mayo 18, 2026, diin base sa pahayag ni Dayanghirang nga subay sab sa inisyal nga imbestigasyon, 11 ka Barangay sa Davao ang apektado sa kusog nga pag-ulan.
RadyoMaN Bien Abanos
Facebook Comments
