Davao City – Gipasidunggan sa 10th Infantry (Agila) Division sa Philippine Army ang 78 ka Civilian Armed Forces Geographical Unit Active Auxiliary (CAA) personnel pinaagi sa paghatag og separation gratuity pay ug pag-integrate kanila sa Reserve Force niadtong Oktubre 12 sa Mawab, Davao de Oro.
Lima sa mga gipasidunggan ang nakaserbisyo og tag-38 ka tuig.
Gipangulohan ang seremonya ni 10ID Commander Major General Alvin Luzon, kinsa nagpasalamat sa ilang dedikasyon ug mga sakripisyo alang sa nasud.
Nahimong importante ang mga CAA sa kampanya batok sa insurhensiya ug pagmintinar sa kalinaw, ilabina sa mga hilit nga komunidad ug sa pagpalig-on sa territorial defense.
Bisan natapos na ang ilang aktibong serbisyo, magpabilin silang miyembro sa Army Reserve Force nga mahimong motabang sa disaster response, peacebuilding ug territorial defense operations kon gikinahanglan.
RadyoMaN Kareen Beltran
Facebook Comments
