General Santos City—patay ang duha ka mga lalaki human gipamusil saw ala mailhing suspetsado sulod mismo sa panimalay sa usa ka biktima sa may Block 4, Balabat Street, Barangay Poblacion, Polomolok, Alas 9:00 sa buntag kaganina lang.
Mga biktima giilang silang si Jeffrey Tan, 38, residenti sa samang lugar ug Albert Suico, legal age, collector ug residenti sa Ranada, Barangay Poblacion, Polomolok. Nasayran nga natulog pa ang biktimang si Jeffrey dihang miabot ang (3) ka biktimang sakay sa motorsiklo.
Unang gipangita sa suspek ang biktimang si Jeffrey, ang asawa niini nga si Joy maoy miatubang sa gunman. Pagkita niini sa biktima nga naghigda, iya kining gipukaw dayon gipusil pila ka higayon igo sa iyang ulo.
Paspas nga migawas ang suspek dayon iyang nagia n ang biktimang si Albert nga nag-ayo ug motor niadtong tungora. Gipahapa kini sa suspek dayon gipusil lima ka higayon nga hinungdan sa iyang kamatayon. Nadala pa si Jeffrey sa ospital apan gideklara kining dead on arrival.Paspas usab nga misibat ang mga suspek human sa insidenti.
Sa inisyal nga imbistigasyon sa Polomolok Municipal Police Station, kanhi nang nalambigit sa droga si Jeffrey ug kanhi na usab kining drug surfacing personality.
Mukabat sa (8) ka empty shell sa Cal. 45 pistol ang narekober sa lugar, samtang nakakuha usab ug gituohang shabu, drug paraphernaliaās ug weighing scale sa panimalay sa nasampit nga biktima.
