CAUAYAN CITY – Matapos ang tatlong araw ng elimination round, tatlong paaralan ang nakapasok sa Grand Finals ng Jingle Competition sa Lungsod ng Cauayan.
Ang mga paaralang magkatunggali sa huling laban ay ang Cauayan North Central School, Dabburab-Baringin Elementary School, at Cauayan South Central School.
Samantala, kabilang din sa mga lumahok na paaralan na sumubok makapasok sa Grand Finals ang Nungnungan II Elementary School, Marabulig II Elementary School, Union Elementary School, Gappal Elementary School, Nagrumbuan Elementary School, Buyon Integrated School, Villa Luna Elementary School, San Fermin Elementary School, Don Faustino N. Dy Memorial Elementary School, San Luis Integrated School, Cauayan East Central School, at Culalabat Elementary School.
Ang Grand Finals ng Jingle Competition ay gaganapin sa ika-17 ng Disyembre sa harap ng Cauayan City Hall.
