Malampusong nasikop sa mga kapulisan ang usa ka 36 anyos nga lalaki human madakpan sa gi-implementar nga Search Warrant Operation buntag kagahapong adlawa didto sa Purok-5, Barangay San Martin, Malaybalay City, Bukidnon.
Giila ang suspek nga nadakpan nga si Roem Doydora, 36 anyos, dunay kapuyo, ug residente sa naasoy nga lugar nga gikonsiderang Top 3 sa listahan sa PNP ug PDEA dinhi sa Bukidnon.
Nakompiska gikan sa suspek ang muabot sa tulo ka mga pakete sa gituohang drogang shabu nga mutimbang og lima ka gramo ug gibana-bana nga mukantidad og 34 mil ka pesos.
Narekober usab ang nakmgkadaiyang drug paraphernalia gikan sa suspek.
Gikustodiya karon sa Malaybalay City Police Station ang suspetsado kinsa mag atubang sa paglapas sa RA 9165 o ang Comprehensive Dangerous Drugs Act of 2002.
Samtang giturn-over sa PNP Bukidnon Provincial Forensic Unit ang mga nakompiskang ebidensya alang sa dugang imbestigasyon.
Facebook Comments
