AFP, naningkamot nga mahuman ang giyera sa Marawi sa mas dali nga panahon

147

Malaybalay City, Bukidnon – Gipaningkamutan matud pa sa Armed Forces of the Philippines kon AFP nga mahuman na ang bakbakan sa Marawi City sa mas dali nga panahon.

Sa interview sa RMN Malaybalay ngadto kang AFP Spokesperson Brig. Gen. Restituto Padilla aminado kini nga medyo lisod ang sitwasyon sa mga sundalo sa mao nga siyudad maong himoon nila kini sa hinay-hinay.

Gihatagan ug pagtagad ni Gen. Padilla nga aduna pay mga sibilyan ang na-trap sa sulod ug dili masiguro sa kasundaluhan nga ang kada lihok nga ilang himoon mahimo kining luwas.


Ikaduhang hinungdan matud pa nganong hangtod karon wala pa nahuman ang clearing operation sa AFP mao nga gi-atubang sa military ang daghanang improvised explosive device kon IED nga kinahanglang bantayan nila kung ugaling sudlon ang dapit nga gibiyaan sa kalaban.

Gidugang pa sa heneral nga gawas sa pagsumpo sa teroristang grupo padayon usab ang ilang gihimo nga clearing sa mga gambalay sa upat ka mga barangay nga gibiyaan sa mga terorista.

Sa karon dili pa madeklara sa kasundaluhan nga luwas nang balikan sa mga bakwit ang lugar gumikan sa posibleng IED nga gipangtanom sa kaaway.



Facebook Comments