Aklanon nga meyembro it Phil. Marines, nadugang sa mga casualties sa Marawi City

KALIBO, AKLAN — Nadugang sa mga casualties rong sangka Aklanon nga meyembro it Philippine Marines sa nagapadayon nga kinagamo sa Marawi City.
Raya si Philippine Marines Sniper Sgt. Brian Tamboon, 33-anyos tubong Brgy. Caticlan, Malay, Aklan ag nakapangasawa sa Zamboanga City.
Binaril si Tamboon ko ginasugid sniper man it Maute group samtang nagapamahaw kung sa siin nakaangkon it tama sa anang ueo ag dughan.
Si Sgt. Tamboon hay naging suldado ko 2005 ag na assign sa Mindanao.
Mayo 26 tag imaw gin deploy sa Marawi City ag maabo eon man nga meyembro it Maute ag ISIS ro anang nahapatay.
Nahaaywan ni Tamboon ro anang asawa nga si Chinaline ag daywa ka mga unga.
TAGS DYKR MARAWI TAMBOON CATICLAN RMN KALIBO SNIPER MARINES

Facebook Comments