Atty. Jay Warren Pabillaran, pormal ng nanumpa isip bag-ong Mayor sa dakbayan sa Malaybalay

39
Pormal ng nanumpa isip bag-ong Mayor sa dakbayan sa Malaybalay si Mayor Atty. Jay Warren R. Pabillaran kaganiha sa buntag didto sa Kaamulan Open Theatre, Kaamulan Grounds, Malaybalay City, Bukidnon.

Kini dungan sa gipahigayong Oath Taking Ceremony sa mga bag-ong opisyales sa dakbayan sa Malaybalay kauban si Vice Mayor Estilito “Litoy” Marabe.

Atubangan sa mga opisyales sa nagkadaiyang barangay sa Malaybalay City ug sa mga empleyado niini gisaad ni Mayor Pabillaran ang mas transparent nga pagpadagan sa gobyerno atol sa iyang termino.

Gipresenta usab ni Mayor Pabillaran ang iyang “SHIELD” program kon Safety Peace and Order and Disaster, Resiliency, Healthcare Innovations to the Barangays, Integrity in Governance and Public Service, Environment Preservation and Reforestation, that Leads to Agri-eco Tourism and Development in Infrastructure and Alternative Water Source.

Kini matud pa iyang gikinahanglan ang tabang dili lang sa mga opisyales apan lakip na usab sa katawhan aron nga matinood ang damgo sa mas malambuon ug mahapsay nga siyudad sa Malaybalay.

Dungan usab nga nanumpa ang mga napiling 10 ka konsehal sa dakbayan.

Facebook Comments