Australian national, arestado ng PDEA dahil sa pagbebenta ng liquid marijuana sa Puerto Galera, Oriental Mindoro

Arestado ang isang Australian national matapos makuhaan ng liquid marijuana sa isang buy-bust operation ng Philippine Drug Enforcement Agency (PDEA) sa Puerto Galera, Oriental Mindoro.

Kinilala ni PDEA Spokesperson Derrick Carreon ang suspek na si Sebbag Shalom.

Inaresto ang suspek sa joint operation ng PDEA-MIMAROPA at Puerto Galera Police Station sa Sitio Purok Uno Brgy. Aninuan, Puerto Galera, Oriental Mindoro.


Ito’y matapos mabentahan ng marijuana cannabinoid na nagkakahalaga ng P1,500 ang isang ahente ng PDEA.

Ayon pa kay Carreon, ginagamit sa vape ang naturang liquid marijuana.

Nakumpiska sa suspek ang 14 grams ng vape cartridge na may lamang marijuana cannabinoid.

Facebook Comments