Autopsy examination sa bangkay ni Eva Adan, ginpatigayon kahapon

29

UPDATE:
Malinao, Aklan – Wasak rong bungo ukon multiple fracture ro naangkon it biktima nga si Eva Adan kung Brgy. Dangcalan, Malinao, Aklan.
Raya rong nag guwa sa ginpatigayon nga autopsy examination ni Dr. Joe Martin Fuentes it Regional Crime Lab sa bangkay it bikitma.
Nasayuran nga tatlo ka mga patal nga tama it matig-ang bagay rong nakita sa bungo it biktima, tama it pagbunae sa may pahueanan ag nakita pa gid nga may patimaan nga imaw ra gin tear gas anay.
Samtang, ginpahayag mat-a ni Dr. Fuentes nga uwa it natabong paghimueos sa biktima bangud nga uwa it nakitang patimaan nga ginhimuslan raya basi man sa pag examine sa anang kinatawo.
Sa pihak nga parte, na recover man kahapon rong cellphone it biktima maeapit malang man sa crime scene.
Nakita raya it Chief Tanod kung nasambit nga barangay nga si Joven Iturralde.
Insigida man raya nga ginturn over sa Malinao PNP ag nakataeana raya nga igapaidaeom sa Ciber Crime Examination.
May mga gin-imbitahan man eon kahapon rong Malinao PNP ag ginpaatubang sa witness ugaling uwa gid it may ginturo raya.
Sa makaron hay padayon pa rong imbestigasyon it Malinao PNP ag rong pagtutok sa mga anggulo nga posible ikasolbar ko kaso ngara ag madakpan rong responsable sa krimen.

Facebook Comments