Davao City – Dili kombinsido si Task Force Davao Commander Army Coronel Darrel Comia sa pamahayag sa duha ka suspek nga silang Krissel Jay Lacia ug Antonio Palacio, pulos taga-New Corella, Davao Del Norte nga sa Davao Del Norte nila dad-on, ang 18 milyones ka pesos nga kantidad sa shabu gikan sa Midyasap, North Cotabato.
Nagtoo si Comia, alang sa syudad sa Davao ug dili sa Davao del Norte, ang nakompiskar nilang 20 ka dagkong pakete sa shabu, apan nabolilyaso human naharang sa check point sa Sirawan, Torl. Tungod niini dako ang pasalamat sa Commander sa tawong nagsumbong kanila nga miresulta sa pagkasikop niini.
Alayon niini, nasuko si Davao City Mayor Sebastian “Baste” Duterte sa mga suspek tungod sa kadako sa kantidad sa shabu nga gisuwayan nila og pasulod sa syudad sa Davao.
RadyoMan Joel Viray
Facebook Comments
