Posibleng sa mismong impeachment trial na lamang dedesisyunan ang pagbubukas ng Bureau of Internal Revenue (BIR) box na naglalaman ng mga tax records ni Vice President Sara Duterte.
Ayon kay Senate President Win Gatchalian, wala nang isasagawang pre-trial conference ngayong linggo para buksan at markahan ang BIR box.
Sinabi ni Gatchalian na sa mismong paglilitis na lang dedesisyunan ng Senate Impeachment Court ang pagbubukas ng selyadong kahon.
Hindi naman aniya sa Lunes magdedesisyon ang impeachment court para sa BIR box kundi kapag ini-raise ito ng House prosecution team sa gitna ng paglilitis.
Ang House prosecution team ay nagsumite sa Impeachment Court ng manifestation para pabuksan ang naturang BIR box.
Ang naturang kahon ay isinumite noon ng BIR sa House Committee on Justice na nagpa-subpoena ng tax records ni VP Duterte subalit hindi ito pinabuksan sa Kamara bilang pagtalima sa non-disclosure provisions ukol sa mga tax records sa ilalim ng National Internal Revenue Code.
