Samaran karon ang biktima human kini gipusil didto sa may brgy Pob. Lungsod sa Sibuco.
Naila ang biktima nga si Alvin Toralba Laliyah, hingkod ang pangidaron, usa ka tigbalantay sa Globe Telecommunication Company, molupyo sa nahisgutan nga lugar.
Sa nahimong imbistigasyon sa kapulisan, nakaangkon ug samad pinusilan ang biktima sa tuong bahin sa iyang likod ug milapos kini sa iyang dugok-dugokan, dali usab kining gidala sa balay tambalan alang sa hinanaling medikasyon.
Nakuha sa nahitaboan ang duha ka basyo sa Cal. 45.
Sa pagkakaron padayon pa ang imbistigasyon sa kapulisan sa Sibuco kung unsay nagpaluyong motibo sa maong pagpamusil.
Facebook Comments
