Child-friendly vax site gipasigarbo sa pilot vaccination sa 5-11 anyos sa Mati City

Davao City – Nagmalampuson ang pilot pediatric vaccination alang sa mga 5-11 anyos sa Mati City, Davao Oriental atul usab sa pagsaulog sa Valentine’s Day gahapong adlawa.

Gikalipay sa mga bata ang colorful nga vaccination site sulod Mati Cultural Center nga sama sa kiddie party ang konsepto sa gipahigayong pagbakuna. Mokabat sa 30 ka bata ang nabakunahan kontra COVID-19.

Gawas sa Pedia vaccination, nanghatag usab ang LGU Mati og mga pahalipay sa mga bata ug nalingaw usab sila sa Inflattable playground nga gitukod alang kanila.

Subay niini, gi-awhag sa Mati City Health Office ang tanang ginikanan nga pabakunahan ang ilang mga bata alang sa dugang proteksyon kontra sa Covid-19.

Magpadayon ang pagbakuna sa mga bata sa mosunod nga mga adlaw sa Children’s Playground sulod sa Mayor FGR Park, Baywalk ug uban pang mga bakuna sites sa mga bata. Gitakdang i-anunsyo sa CHO ang schedule.

RadyoMaN Aimee Guinita

<www.avast.com/sig-email?utm_medium=email&utm_source=link&utm_campaign=sig-email&utm_content=webmail>