Davao City – Giuyonan karon sa Davao City Health Office kun CHO ang abiso sa Department of the Interior and Local Government kun DILG XI nga kinahanglan mag face mask bisan sa sulod sa balay.
Sa interview sa DXDC RMN Davao kang Dr. Gene Gulanes, Assistant City Health Officer for Administration nga og di matuman ang social distancing sa mga gagmay nga espasyo diha sa kabalayan, abiso niini nga magsuot nalang og face mask.
“Ang among advise kung di matuman ang 1 or 2 meters nga distansya, they have to wear face mask sa sulod sa balay subay sa DILG (advise),” segun ni Gulanes.
Samtang dugang sa interview, giingon ni Gulanes nga usa ka maayong development sa pandemic situation karon ang pag-develop sa nasud Russia sa usa ka COVID-19 vaccine nga gitawag nga ‘Sputnik V’.
RadyoMaN Renz Barbarona
