Davao City – Nagpahigayon ang City Health Office (CHO), pinaagi sa Tropical Disease Prevention and Control Unit, og disinfection ug decontamination sa mga garbage collection points sa nagkadaiyang barangay sa Davao City aron malikayan ang posibleng epekto sa nagtapok nga basura sa kahimsog sa publiko.
Matud ni Melodina R. Babante, coordinator sa CHO Tropical Division, gihimo ang maong inisyatibo aron mapugngan ang pagdaghan sa mga langaw ug ulod (maggots), ingon man ang pag-alingasaw sa baho nga mahimong hinungdan sa mga problema sa sanitasyon sa komunidad.
Gipasiugda usab sa CHO nga importante ang panagtinabangay sa mga barangay, komunidad, ug mga ahensya sa gobyerno aron masulbad ang isyu sa basura. Nanawagan sab ang buhatan sa mga Dabawenyo nga maghiusa ug makigkooperar tungod kay kini usa ka isyu nga may kalabotan sa panglawas ug kaayohan sa tanan.
RadyoMaN Kareen Beltran
Facebook Comments
