COVID-19 negative swab laumang i-require sa land travelers

17

Davao City- Laumang ipatuman na usab ang pag-require og 72 hours negative RT-PCR result sa mga land travelers pasulod sa Davao Region.

Kini gikumpirma ni Dr. Ashley Lopez, Davao City Health Office chief sa interbyu sa DXDC RMN Davao.

Sumala ni Lopez, gitakdang magpagawas og Executive Order (EO) aron hingpit kining maimplementar.


“Kung within Davao Region ka APOR, business, medical or essential okay ra na basta within Davao Region. Pero pag outside Davao Region, irregardless APOR, non-APOR, essential, non-essential RT-PCR gyod na,” matud niini.

Matud ni Lopez, i-require usab kini sa mga returning residents sa dakbayan.

Samtang gikumpirma ni Department of Interior and Local Government (DILG-XI) Regional Director Alex Roldan nga naaprubahan na sa Regional Inter-Agency Task Force (RIATF) Against COVID-19 ang unified border control ug laumang mogula ang resolusyon niini sunod semana.



Ipahibalo usab kini sa mga silingang rehiyon aron masayod ang mga tawo sa mga gikinanglan kung mosulod sa Region XI.

Gi-discourage sa DILG XI, ang non-essential nga mga lakaw ilabina adunay pagtaas sa kaso sa COVID-19 ug na-detect nga COVID-19 variants sa ubang mga lugar.


RadyoMaN Aimee Guinita

Facebook Comments