Gibutyag ni Dr. Michelle Schlosser, Spokesperson sa Davao City COVID-19 Task Force (sa interbyu sa city-owned radio) nga as of February 12, 2022, anaa na sa 124 ang Omicron cases sa dakbayan human nadugangan og 49 Omicron cases ang 75 ka kaso sa maong variant nga paspas nga mutakod sa tawo.
Gikanayon ni Schlosser nga nagpabiling problema ang dugay nga resulta sa pagsuta kung unsang klase nga variant ang usa ka COVID-19 case diin ipadala pa kini sa University of the Philippines – Philippine Genome Center (UP-PGC).
“Ang problema lang gyud nato when we are identifying different variants is kadto ganing kadugayon sa Whole Genome Sequencing (WGS) na mag-take siya og three weeks to one month,” sulti ni Schlosser.
Dugang sa health official nga panahon nga mahibal-ang usa ka Omicron ang usa ka kaso, gilayong ginahimo ang retracing, pag-obserba sa nagpositibong pasyente ug ang ilang close contacts ug ang pagpatuman gihapon sa PDITR (Prevention, Detection, Isolation, Treatment, Reintegration) strategy.
RadyoMaN Kirby Manzon
