COVID-19 TF: Alert level 1 guidelines gipahindumom

41
Davao City – Padayong gipanawagan sa City Government of Davao sa Davaoeños ang pagtuman sa guidelines ilawom sa Coronavirus Disease 2019 (COVID-19) Alert Level 1, human nga padayong ipailawom sa maong alert level ang syudad sa June 1 hangtud 15, 2022 subay sa anunsyo sa Inter-Agency Task Force (IATF) kagahapong adlawa.

Gipasabot ni Dr. Michelle Schlosser, tigpamaba sa Davao City COVID-19 Task Force (sa interbyu sa city-owned radio), importante ang pagpabakuna batok COVID-19 ilabina nga walay travel restrictions ilawom sa COVID-19 Alert Level 1.

“Now that we are under Alert Level 1, we do not restrict any inter-local, inter-provincial na mga travel. Apart from the vaccine, we have to also make sure nga i-follow gihapon nato atong minimum public health standards of wearing our face mask anywhere,” saysay ni Schlosser.

Gawas sa Davao City, gipailawom usab sa COVID-19 Alert Level 1 ang Davao Oriental, munisipalidad sa Nabunturan ug New Bataan, Davao de Oro.

Samtang Alert Level 2 ang Davao del Norte, Davao del Sur, Davao Occidental ug ang nahibiling munisipalidad sa Davao de Oro sa susamang period.

RadyoMaN Kirby Manzon

Facebook Comments