Sa interbyu sa DXDC RMN Davao kang Col. Darren Comia, Task Force Davao Commander, nagdugang na kini’g mga personahe sa tanang mga checkpoints ug downtown area aron masigurong mabantayan ang dakbayan ug walay mahitabong parehong insidente.
Subling nakigtagbo ang military sa mga bus companies sa syudad, drivers ug inspectors subay sa pagsiguro nga walay dautang elementong makalusot ug magtanom og mga eksplosibo sa mga pampasaheruang bus ilabina sa mga nagbiyahe gawas sa dakbayan. Hugot usab ang koordinasyon ni Comia sa intelligence community sa pagmonitor sa nahitabong insidente.
Sumala ni Comia walay direct threat ang syudad apan nagpabiling naka heightened alert ang Task Force Davao kauban ang Davao City Police Office. Nanawagan kini sa publiko nga ipatuman ang culture of security.
RadyoMaN Aimee Guinita
