Dabawenyang OFW nga napalgang patay sa Jeddah, wala pa nauli sa pamilya

Davao City – Hangtod karon wala pa gihapon nakab-ot sa hingpit ang hustisya sa kamatayon sa usa ka Dabawenyang Overseas Filipino Worker (OFW) nga Prisciliza Mae Cartagena nga napalgang na lamang na wala na’y kinabuhi human kini gikatahong unang na-missing sa Jeddah, Kingdom of Saudi Arabia.

Sa unang pakighinabi sa DXDC RMN Davao sa igsuon niining babae nga si Nisha Mae Erediano, nagpasalig ang Overseas Workers Welfare Administration (OWWA) ug ang agency ni Cartagena nga tagaan og kasulbaran ang kaso sa sulod sa 21 ka adlaw.

Apan sa pagbalik interview sa DXDC, gisaysay ni Erediano nga aduna’y nakostudiyang Pinay nga giingong naa’y kalambigitan sa nahitabo sa igsuon niini apan nagawas ra gihapon kini.

Nahuman na lang ang 21 ka adlaw nga gipaanaad nga mahuman ang imbestigasyon apan wala gihapo’y nadawat ang ilang pamilya nga balita gikan sa OWWA ug sa Department of Migrant Worker (DMW) maong sila blangko pa gihapon sa gidangatan sa babaeng OFW.

Sa pagkakaron, dili pa mahiuli sa Pilipinas ang biktima tungod kay sumala sa OWWA Davao sa pamilya, on going ug under Assistance to Nationals (ATN) pa ang imbestigasyon tungod usa kini ka criminal case.

RadyoMaN Ivy Parido