Pinangunahan ni Department of Agrarian Reform (DAR) Secretary Conrado Estrella III ang pamamahagi ng certificates of land ownership award sa may 807 agrarian reform beneficiaries sa Mindanao.
Ang mga lupang sakahan na sumasaklaw sa 1,035 ektarya ay matatagpuan sa mga lalawigan ng Lanao del Norte at Misamis Occidental.
Hinimok ni Estrella ang mga agrarian reform beneficiaries na gawin ang kanilang bahagi sa pagpapabuti ng kani-kanilang mga lupang sakahan at pag-angat ng kanilang buhay pang-ekonomiya.
Hinikayat din ng kalihim ang lahat ng mga magsasaka na gamitin ang iba’t ibang programa ng DAR na higit na makatutulong sa kanila.
Kabilang dito ang pagkakaloob ng mga pautang na may mababang interes at mga pasilidad, bukod sa iba pa.
Facebook Comments
