Davao De Oro gipaigmat sa kusog pa nga linog nga mahimo sa Philippine fault

Davao City – Gipaigmat sa Department of Science and Technology-Philippine Institute of Volcanology and Seismology (DOST- PHIVOLCS), ang publiko sa mga lauman pang mga aftershocks sa natigayong serye sa linog sa Davao de Oro.

Sa interbyu sa DXDC RMN Davao kang Sec. Renato Solidum Jr., Department of Science and Technology (DOST), ang segment sa Philippine Fault nga anaa sa Davao de Oro kaya nga makamugna og kusog pang mga linog nga anaa sa M6.0 to M8.3 (offshore).

Magpadala og team ang DOST- Philippine Institute of Volcanology and Seismology (PHIVOLCS) sa Davao de Oro aron tun-an ang serye sa linog nga nahitabo sa probinsya.

Sumala kang Solidum, sukad pa niadtong Pebrero nakasinati na og mga pagtay-og ang Davao de Oro tungod sa paglihok sa segment sa Philippine fault.

Dili mo-ubos sa 900 na ka mga linog ang nahitabo sukad niadtong Marso 6, 2023 human sa Magnitude 4.9 nga linog diin pinakakusog sa serye sa linog sa Davao de Oro ang Magnitude 5.9.

RadyoMaN Aimee Guinita