General Santos City- Girespeto ni PDEA -12 Director Gil Castro ang nahimong paghimakak og depensa sa kampo ni Maasim Sarangani Province Mayor Anecito “Jojo” Lopez.
Sumala pa niini nga ilahang nasabtan ang pamilya sa alkalde nga depensahan ang ilahang kabanay, apan sumala pa sa opisyal sa PDEA-12 nga ilahang barugan sa korte ang ilahang gihimong pag ronda sa panimalay niini sa Barangay Lumasal, Maasim Sarangani Province.
Dugang pa niini nga ilahang tindugan ang ilahang report base sa ilahang nakuhang ebedensya.
*Nawalang gamit- Palusot lang- PDEA*
Samtang gitubag usab ni Director Castro ang mga akusasyon sa kampo sa alkalde nga adunay mga nawalang mga butang sa panimalay atol sa raid.
Sumala pa kay Castro nga kini ang pinakadali nga depensa sa giakusa sa mga dinakpan, aron nga malihis ang imbestigasyon sa ahensya.
Awhag na lamang niini nga tubagon na lamang sa korte ang kaso, tungod kay nahimong hinlo ang ilahang operasyon pinaagi sa mga saksi gikan sa mga opisyal sa MAasim, at media.
Gitubag usab niini nga ang mga armas nga ilahang narekober ang nakuha sa 3 ka mga panilamay sa Mayor nga cover sa ilahang search warrant.
Og normal nga kasuhan gyud kini tungod sa paghupot.
*Green Book nga nakuha dili apil sa ebedensya batok Mayor Lopez *
Apil usab nga gitubag ni Director Castro ang may kabahin sa Green Notebook nga nakuha sa panimalay ni Mayor Lopez.
Sumala pa niini nga dili nila gamiton ang maong notebook isip ebedensya batok sa Mayor tungod dili nila buot mabutang sa alanganin ang mga pangalan nga anaa sa maong notebook.
Matud pa niini nga ilahang kini gamiton isip kabahin sa intelligence purposes.
Una ng gikumpirma sa PDEA nga adunay mga pangalan sa mga opisyal sa rehiyon 12, mga negosyante nga anaa sa maong Green Book.
*“Kaibigan ko si Mayor Lopez- pero kailangang tuldukan- Director Castro *
Mensahe na lamang ni Director sa mga pamilya, higala, og mga kababayan sa Mayor nga iyahang nasabtan ang ilahang gibati.
Suma pa niini nga usa niya ka suod nga higala ang Mayor apan kinahanglan na kini nga putlon kung responsibilidad na sa katawhan ang hisgutan og iyahang ipatuman kung unsa ang angayan pinaagi sa pagbatok sa ilegal nga droga.
“ Alang kanimo? Kinsa ba ang nagsulti og tinood? Nagtoo ka ba nga nasunod sa PDEA 12 ang legal proseso sa pagronda sa panimalay ni Mayor Lopez? “
