DOH, nakapagtala ng 157 kaso ng rabies sa unang anim na buwan ng taon

112

Nakapagtala ang Department of Health (DOH) ng 157 kaso ng rabies sa bansa mula January 1 hanggang June 25.

Mas mababa ito ng 5% kumpara sa naitalang kaso ng rabies sa kaparehong panahon noong 2021 na 165 cases.

Batay sa datos ng DOH, 16% ng mga ito ay mula sa Central Luzon habang 13% ay mula sa Calabarzon; 11% sa Western Visayas at 10% sa Davao Region.


Sa kabila nito, lahat ng naitalang kaso ngayong taon ay nasawi dahil sa naturang sakit.

Paliwanag ng DOH, nasa 100% ang fatality rate ng rabies at napakadalang ang mga nananatiling buhay matapos dapuan nito.

Dagdag pa nito, nasa 83% ng mga ito ay galing sa kagat ng aso at 69% sa mga ito ay hindi bakunado sa rabies.



Kaya patuloy ang koordiasyon ng DOH sa Department of Agriculture (DA), local government units at local veterinarians upang mapigilan ang pagkalat ng virus.

Facebook Comments