Giila ang suspek nga si Diomar Acera, 39 anyos, ulitawo, drayber, ug residente sa Purok-8, Barangay Sumpong, Malaybalay City, Bukidnon.
Narekober gikan sa suspek ang usa ka pakete sa gituhang drogang shabu nga mutimbang og 0.08 gramos ug gibana-bana nga mukantidad og P500.00.
Samtang laing walo ka pakete sa gituohang drogang shabu ang nakompiska nga mutimbang og usa ka gramo ug gibana-bana nga mukantidad og P6,800.00 lakip ang usa ka improvised paper pouch.
Ang nadakpang suspek ang gidala karon sa Malaybalay City Police Station lakip ang mga nakompiskang ebidensya nga target iturn-over sa PNP Provincial Forensic Unit alang sa eksiminasyon.
Samtang mag-atubang sa kasong paglapas sa RA 9165 kon Comprehensive Dangerous Drugs Act of 2002 ang dinakpang suspetsado.
