CAUAYAN CITY — ARESTADO ANG APAT NA INDIBIDWAL NA HINIHINALANG SANGKOT SA ILEGAL NA DROGA MATAPOS ANG IKINASANG BUY-BUST OPERATION NITONG NOVEMBER 4, 2025, SA RUELOS STREET, PUROK 7, BARANGAY AMMUBUAN, BALLESTEROS, CAGAYAN.
ANG OPERASYON AY ISINAGAWA SA PINAGSANIB NA PUWERSA NG PDEA ISABELA PROVINCIAL OFFICE AT BALLESTEROS POLICE STATION KUNG SAAN NAARESTO ANG MGA SUSPEK NA SINA ALYAS “JEK” 32-ANYOS, AT ALYAS “OMAN” 27-ANYOS, KAPWA RESIDENTE NG BRGY. AMMUBUAN, ALYAS “JO” 44-ANYOS MULA CABULUAN EAST, AT ALYAS “JUNIE” 31 ANYOS, MULA STA. CRUZ, BALLESTEROS, CAGAYAN.
NASAMSAM SA OPERASYON ANG TINATAYANG 1 GRAMO NG HINIHINALANG SHABU NA MAY HALAGANG ₱6,800, HUMIGIT-KUMULANG 150 GRAMO NG PINATUYONG DAHON AT BUNGA NG MARIJUANA NA MAY HALAGANG ₱18,000, BUY-BUST MONEY, CELLPHONE, AT IBA’T IBANG DRUG PARAPHERNALIA.
MAHAHARAP NAMAN ANG MGA SUSPEK SA KASONG PAGLABAG SA SECTIONS 5, 6, 7, 11, AT 12, ARTICLE II NG REPUBLIC ACT NO. 9165, O ANG COMPREHENSIVE DANGEROUS DRUGS ACT OF 2002.
