Eaeaki arestado matapos nga magpangling-ling ag mag sarili samtang gina videohan ro sangka bakasyunista sa Boracay nga nagapaligos sa banyo

26

Boracay – Gin aresto it mga kapulisan rong sangka eaeaki matapos nga ginreklamo it sangka babaye nga bakasyunista sa isla it Boracay nga imaw ginling-ling, gin videohan ag nagsarili pa ko aga-aga it Sabado Hulyo 27, 2019 sa isla it Boracay.
Ro nasambit nga eaeaki nakilaea kay Regie Guillermo sa legal nga edad ag empleyado it sangka resort nga ginadayunan it babaye.
Base sa facebook post it nasambit nga babaye nga ko oras ngato hay halin sanda sa bar hopping ag pag-abot sa anang kwarto hay nagpaligos raya.
Nakibot eamang raya tag mapan-uhan nga bukas ro bintana it banyo may camera it cellphone nga nakatutok kana para boe-an it video.
Insigida imaw nag singgit ag matapos ro pilang minuto anda nga gin review rong CCTV footage it hotel ag idto nakita rong suspek nga naga sarili samtang nagabuoe it video sa babaye sa guwa it banyo.
Eagi sanda nga nagtawag it pulis ag ginpatigayon rong komprontasyon nandang daywa kung sa siin gin ako it eaeaki nga imaw rong sa CCTV.
Uwa man eon magpasaka it kaso rong babaye bangud sa kueang man ro anang oras ag kabaylo kara hay sa social media eon lang nana ginpaguwa ro anang kaakig ag pagkadismaya sa anang na eksperyensyahan nga pagpangbastos kana sa isla.
Samtang ro nasambit nga eaeaki hay insigida man nga ginpahalin sa anang trabaho.

Facebook Comments

From Advertisers