South Cotabato- Patay nang nakaplagan ang 35-anyos nga babaye kansa gituohang gilugos ug gipatay sa wala pa mailhing suspek didto sa Barangay New Cuyapo, Tantangan, South Cotabato.
Giila ang biktima nga si Chona Paredes, minyo ug residente sa Sitio Lam Elco, Barangay Datal Bob, TBoli, South Cotabato.
Sumala sa amahan sa biktima nga si Goring, nananghid ang biktima ngadto kaniya nga mutrabaho sa Tacurong City apan natingala nalang siya dihang wala na kini makauli.
Iya nalang nasayran nga wala nay kinabuhi ang biktima human kining gipatay. Samtang sa inisyal nga imbistigasyon nasayran nga dunay misugat sa biktima nga usa ka tawo sa gitrabahuan niini.
Sa inisyal nga imbistigasyon sa kapulisan, adunay samad pinusilan ang biktima sa iyang ulo nga bahin samtang adunay posibilidad nga kini gilugos human nga hubo ang katunga sa lawas sa niini dihang kini nakaplagang patay kaadlawon kagahapong adlawa.
