Umabot sa kabuuang 371 lugar sa Regions 3,Calabarzon, Region 5 at National Capital Regions ang lumubog sa tubig baha sa patuloy na buhos ng ulan.
Sa kabuuang bilang, isang daan at dalawamput anim dito ay humupa na.
Base sa ulat ng National Disaster Risk Reduction and Management Council, sa 28 Lungsod at Munisipalidad na binaha , 18 dito ay mula sa Regions 3 , isa sa Calabarzon ,1 sa Region 5, at 8 sa NCR.
Abot naman sa 42 ang bilang ng mga pasahero ang stranded sa Pasacao Port, Camarines Sur, sa Region 5 as of 4 am kaninang madaling araw.
Sa panig naman ng DSWD Region 1 at iba pang LGU’s, nanatiling nakamonitor pa rin ang mga ito sa posibleng epekto ng masamang panahon na pinalakas pa ng habagat.
Hindi rin umano dapat mabahala ang publiko dahil may nakahanda pang Quick Response Fund na P2.37 Million at 14,258 stockpiled relief goods na nasa strategic locations na nagkakahalaga ng P5.1 Million.
Maging ang PNP Calabarzon,PDRRMO Cavite,Laguna,Batangas, Rizal, at Quezon ay nanatili pa ring nakaalerto habang nararanasan pa ang masamang panahon.
