Matapos ang masusing pagsusuri, kinilala ng ROCBDC ang bayan ng Carasi sa Ilocos Norte bilang ganap nang drug-cleared municipality.
Samantala, 25 barangay mula sa apat na lalawigan ng rehiyon ang nakapasa sa mahigpit na pamantayan para sa pagiging drug-cleared.
Kabilang sa mga idineklarang drug-cleared barangay ang anim sa Ilocos Norte, siyam sa Ilocos Sur, pito sa La Union, at tatlo sa Pangasinan.
Sa Pangasinan, kabilang sa mga kinilala ang Barangay Poblacion 1 at Barangay Talogtog sa Pozorrubio, gayundin ang Barangay Bolingit sa San Carlos City.
Ipinakita rin sa deliberasyon ang patuloy na pagpapanatili ng drug-cleared status ng 944 barangay sa rehiyon, kabilang ang 729 barangay sa Pangasinan, 167 sa Ilocos Sur, at 48 sa Ilocos Norte.
Gayunman, dalawang barangay ang hindi pa nabigyan ng drug-cleared status matapos maantala ang kanilang aplikasyon dahil sa kakulangan ng ilang kinakailangang dokumento at rekisito.
Inirekomenda ng komite ang agarang pagsunod ng mga ito upang maisailalim sa panibagong ebalwasyon. | 𝙞𝙛𝙢𝙣𝙚𝙬𝙨𝙙𝙖𝙜𝙪𝙥𝙖𝙣
