Kagutom ug kakapuy, rason sa pagtahan sa magtiayong kanhi miyembro sa NPA

65
Gibutyag sa mga mitahan nga magtiayon nga kanhi miyembro sa New People’s Army (NPA) nga tungod sa kagutom ug kakapuy maong midesisyon silang mitahan sa kasundaluan.

Ang maong mga mitahan naila nga sila si alias Logo, 31 anyos ug si alias Princess, 29 anyos kinsa nahimong Platoon guide si Logo samtang si alias princess usab nagsilbing medic sa grupong NPA ang kinsa mitahan sa 16th Infantry (Maglilingkod) Battalion ilawom sa 402nd Infantry Brigade, Philippine Army (PA) sa lungsod sa Malitbog, Bukidnon.

Atol sa ilang pagtahan, gibutyag ni alias Logo nga ang tumang kakapoy ug ang tumang kagutom nga gibati ang nagtukmod kanila nga musurender ug biyaan na ang kinabuhi diha sa kabukiran, ug gidugang pa niini, nga igo lamang sila nga giilad sa NPA ug nahigmata na sila nga ang kasundalohan dili kalaban ug igo lamang kini nagbuhat sa trabahao aron makab-ot ang tinuod nga kalinaw ug kalambuan.

Sa kasamtangan, ang duha ka mga mitahan nga NPA ang anaa na karon gipailawom sa kostudiya sa 65th IB alang sa nagpadayon niini nga interview samtang giandam na usab ang mga rekisitos niini aron nga makakuha og tukmang tabang gikan sa Enhanced Comprehensive Local Reintegration Program (E-CLIP) ang maong mga mitahan.

Facebook Comments