Para kay House Senior Deputy Majority Leader at Iloilo Rep. Lorenz Defensor, perfect start at appetizer ang pagtestigo sa impeachment trial ng dalawang dating branch managers ng Land Bank of the Philippines.
Para ito sa unang Article of Impeachment na kinapapalooban ng mga alegasyong mali o iregular na pagamit at liquidation ng P612.5 million na confidential funds ni Vice President Sara Duterte.
Sa pagsalang sa witness stand ng impeachment trial ay sinabi nina retired Land Bank Shaw Boulevard branch manager Violeta Constantino at former LandBank-DepEd branch manager Nenita Camposano na “unusual” ang pag-encash ng Office of the Vice President (OVP) at Department of Education (DepEd) ng mga tsekeng milyun-milyong piso ang halaga.
Sabi naman House House Trial Spokesperson Rep. Zia Along Adiong, hindi lang ang mahalagang amount ang isyu kundi ang paraan kung paano ginamit at paano in-encash ang confidential funds ng OVP at DepEd kung saan naging kalihim si VP Sara.
