Mukabat sa kapin usa ka milyon ka pesos ang gikatahong damyos sa sunog nga natigayon sa Purok-5, Poblacion, Damulog, Bukidnon buntag adtong adlaw sa pasko.
Ang sunog nagsumikad sa panimalay sa pamilyang Tero pasado alas 11 sa buntag adtong Domingo kung asa daling mikatay ang kalayo nga miabot pa sa ikaduhang alarma ayha napatay sa mga bombero kapin kon kulang 45 minutos ang nakalabay.
Duha ang injured sa maong insidente sa sunog nga giilang sila Kester Tom N. Tero, 20 anyos, nga nakaangkon og 2nd Degree burn, ug si Keziah Mae T. Martinez, 28 anyos, ug nakaangkon og 1st Degree Burn ug daling gidapatan sa pasiunang-tambal.
Sa karon, padayon pa ang imbestigasyon sa mga kabomberohan sa naasoy nga sa sunog pagsuta sa tinubdan niini samtang panghimangnu sa Bureau of Fire and Protection (BFP)-Damulog nga magmabintayon aron nga mahilikay sa susamang insidente ilabi na padangat ang bag-ong tuig.
Facebook Comments
