Laborer gipatay sa iyang gi-bully

45

Davao City- Patay sulod sa Southern Philippines Medical Center ang usa ka laborer human dunggaba sa iyang nahimong kontra.

Nakaangkon og daghang samad dinunggaban sa lawas ang biktima nga giilang si Antonio Ogates, ulitawo, ug laborer, taga-Butuan City ug nagpuyo na karon sa Parola, Km 11, Sasa ning syudad.


Ang suspek giilang si alyas Tibaki ug nagpuyo sa samang dapit gamit ang ice pick.

Nasayran nga mouli na unta ang biktima agi sa alley sa maong lugar sa dihang gi-atngan ug giluba sa suspek nga natigayon alas 4:00 sa kadlawon.

Daling misibat ang suspek apan nasikop ra usab sa kapulisan sa gihimo nga follow-up operation ug kumpirmado nga gitudlo sa manghud sa biktima nga maoy miluba patay sa iyang magulang nga si Antonio.

Migawas sa imbestigasyon nga gi-bully sa biktima ang suspek ug gituhoan nga dumot ug pagpanimalos ang ugat hinungdan sa maong krimen.

RadyoMan Joel VIray

Facebook Comments