Davao City – Igo ra gipahuman og panihapon sa mamumuno ang lalake nga target sa iyang liquidation.
Pagawas sa balay aron magyosi si Mark Gil Bengto, 37 anyos, ug nagpuyo sa Kidapawan North Cotabato gilayon kini gipusil sa suspek alas-11:00 sayo sa kaudtohon.
Human sa hitabo paspas misibat ang wala mailhing suspek palayo sa lugar.
Ang mga kabanay kansang nakadungog sa buto sa pistola paspas misusi sa gawas sa balay ug nakita nga nagkadugo na si Mark Gil.
Paspas gidala sa pamilya ang biktima paingon sa Southern Philippines Medical Center (SPMC) ug kasamtangang nagpaalim pa si Mark Gil nga anaa na karon sa luwas nga kahimtang.
Wala pa usab masayod ang inahan ni Mark Gil kung unsay hinungdan o rason ngano gipusil ang biktima sa wala mailhing armado.
RadyoMaN Joel Viray
