Lalaki nadakpan sa pagpangawat og cellphone

19
Nadakpan sa gipahigayong operasyon sa mga kapulisan ang usa ka lalaki nga naaktuhan nga nangawat og Cellphone takna alas 2:45 sa hapon adtong milabayng Lunes didto sa Purok-20, Brgy. Casisang, Malaybalay City, Bukidnon.

Giila ang nadakpan nga si Jeason Oyco, 18 anyos, ulitawo ug residente sa Purok-5, Kibatang, Brgy. Poblacion, Don Carlos, Bukidnon.

Sumala sa taho sa kapulisan, nga gibilin sa usa ka Robert Apao ang iyang cellphone aron nga icharge sa iyang silingan. Didto na nakahigayon ang suspetsado sa pagpangawat apan nasakpan kini sa gabantay nga si John Emmanuel Wadas nga mulopyo sa naasoy nga lugar. Gumikan sa pagkasapon, midagan paikyas ang maong suspetsado apan gilayong nadakpan sa mga miresponding kapulisan.

Gidala na sa Malaybalay City Police Station ang suspetsado alang sa tokmang disposasyon samtang ginaandam ang kaso batok kaniya.

Facebook Comments