Davao City-Patay ang usa ka lalaki human nakuryentihan samtang naghinlo sa iyang mga binuhing isda sama sa Japanese koi ug flower horn sa Lizada, Toril syudad sa Davao.
Sumala sa report sa kapolisan sa Toril, ang biktima mao si Robert Incenio Tomas, 25 anyos ug nagpuyo sa Lizada, Toril ning dakbayan.
Matud pa alas 4:00 sa hapon , samtang naghinlo ug nagtransfer ang biktima sa iyang mga binuhing isda gikan sa fishpond ngadto sa planggana, wala niya mabantayi ang usa ka water pump nga niground hinungdang nakoryentihan.
Dali pa kining gitabang sa iyang amahan sa dihang nagkirig-kirig ug gihatod sa St.John Hospital, apan gideklarang dead on arrival.
Ang biktima gihaya karon sa St. Peter chapel, Brgy Lizada Toril ning syudad sa Davao.
Kasamang Erin Lumosbog
