Matagumpay na isinagawa noong May 26-27, 2026 ang dalawang araw na BADAC Capacitation, ALAB Advocacy, at Drug-Free Workplace Program Orientation cum Onsite Validation/Verification sa pagtutulungan ng DILG, PDEA, PNP, at Pamahalaang Lungsod ng San Carlos.
Dinaluhan ito ng mga kinatawan mula sa lahat ng 86 barangay ng lungsod upang higit pang palakasin ang kapasidad ng mga Barangay Anti-Drug Abuse Council (BADAC), itaguyod ang adbokasiyang laban sa ilegal na droga, at mapanatili ang drug-cleared at drug-free na katayuan ng mga komunidad.
Sa unang araw, nagbahagi ng kaalaman sina Agent Ledjela Badilla, G. Hipolito S. Sabangan Jr., at PLTCOL Buenaventura DG. Benavides III. Nagpahayag naman si Mayor Julier Resuello ng kanyang suporta sa mga programang kontra ilegal na droga at mga inisyatibang nakabatay sa komunidad.
Sa ikalawang araw, nagsilbing resource speakers sina IA III Darnel B. Bacate ng PDEA, Dra. Ela Camille Baltazar ng RHU III SCCP, at Agent Glaiza Rose Abalos-Jumawan, PECI-PDEA, na tinalakay ang drug prevention, pampublikong kalusugan, at mga estratehiya sa pagpapatupad ng batas.
Pinangunahan ni City Local Government Operations Officer Romarie Soriano ang matagumpay na pagsasagawa ng programa. Sa kanyang pangwakas na mensahe, pinuri ni Hon. Alexander Magat, ABC President, ang mga kalahok sa kanilang dedikasyon sa pagpapanatili ng ligtas, malusog, at drug-free na mga komunidad.
Isinagawa ang aktibidad sa suporta nina Mayor Julier Resuello, Vice Mayor Joseres Resuello, mga miyembro ng Sangguniang Panglunsod, at ng Pamahalaang Lungsod ng San Carlos, bilang pagpapatibay ng kanilang pangako sa kaligtasan ng publiko at pagpapatuloy ng kampanya laban sa ilegal na droga. | 𝙞𝙛𝙢𝙣𝙚𝙬𝙨𝙙𝙖𝙜𝙪𝙥𝙖𝙣
