Inilunsad ng pamahalaang lungsod ng Dagupan ang PhilHealth GAMOT Program na naglalayong magbigay ng libre at tuloy-tuloy na gamot para sa mga kwalipikadong residente Katuwang ang City Health Office Pharmacy, inilunsad ang programang Guaranteed and Accessible Medications for Outpatient Treatment o GAMOT.
Sa ilalim nito, maaaring makatanggap ang mga rehistradong benepisyaryo ng hanggang dalawampung libong pisong halaga ng maintenance at outpatient medicines kada taon.
Kabilang sa saklaw ng programa ang mga pasyenteng may asthma, diabetes, altapresyon, mataas na cholesterol, sakit sa puso, at iba pang mga karamdaman.
Inaasahang makatutulong ang programang ito upang mapagaan ang gastusin sa gamot at mapabuti ang kalusugan ng mga mamamayan sa lungsod. |𝙞𝙛𝙢𝙣𝙚𝙬𝙨𝙙𝙖𝙜𝙪𝙥𝙖𝙣
