Lima ka mga barangay sa Koronadal City, apektado sang pagbaha tungod sa pagbubo sang mabaskog nga ulan.

26
Apektado sang pagbaha ang lima ka mga barangay sa Koronadal City tungod sa pagbubo sang mabaskog nga ulan kahapon nga adlaw. Base sa inisyal nga datos sang Koronadal City Disaster Risk Reduction and Management Office, apektado sang pagbaha ang Brgy. Cacub, Esperanza, Topland, San Jose kag Brgy. Mabini. Suno kay CDRRM Action Officer Cyrus Urbano, yara sa 55 ka mga pamilya ang inisyal nga ginpabakwit sa Brgy. Gym sang Brgy. Cacub kahapon nga adlaw. Samtang sa Brgy. Topland pipila man ka mga residente ang naapektuhan sang pagbaha matapos nga nag-awas ang tubig sa kanal. Syam naman ka mga pamilya ang ginpabakwit sa Brgy. San Jose. Pahayag ni Sir Urbano posible nga mdugangan pa ang ila datos tungod padayon pa ang ila ginapatigayon nga damage assessment sa mga apektado nga pamilya sang pagbaha.



Facebook Comments