SINGIL SA KURYENTE NG DECORP, UMANGAT SA ₱11.35 PER KWH NGAYONG OKTUBRE

Tumaas sa ₱11.35 kada kilowatt-hour (kWh) ang average na singil sa kuryente ng Dagupan Electric Corporation o DECORP ngayong Oktubre.
‎

‎Ayon sa DECORP, dulot ito ng higher generation, foreign exchange, at presyo ng kuryenteng binibili sa Wholesale Electricity Spot Market o WESM.

‎Noong Setyembre, nasa ₱10.96 ito kada kWh. Tinatayang ₱78 ang madadagdag sa buwanang bayarin para sa karaniwang kabahayan na gumagamit ng 200 kWh at maaari pang magbago depende sa konsumo.
‎

‎Sa mga nakaraang buwan, ilang beses ding nagbago ang singil ng DECORP. Noong Agosto, umakyat ito sa ₱12.59 kada kWh mula sa ₱12.31 noong Hulyo.
‎

‎Giit ng DECORP, hindi nagbago ang singil sa pamamahagi ng kuryente, serbisyo at metro mula pa noong 2015.
‎
‎Pinayuhan na lamang ng kumpanya ang mga konsumer na magtipid sa paggamit ng kuryente para makontrol ang konsumo sa buwanang bayarin. | 𝙞𝙛𝙢𝙣𝙚𝙬𝙨𝙙𝙖𝙜𝙪𝙥𝙖𝙣