Kalibo, Aklan — Dead on arrival sa Aklan Provincial Hospital rong sangka lolo matapos nga bakoeon kahapon sa Brgy. Jumarap, Banga, Aklan.
Nakilaea rong biktima kay Merlito Restar, 67-anyos , samtang rong suspek nakilaea kay Harvey Restino, 50-anyos ag tanan residente it nasambit nga lugar.
Sa imbestigasyon it Banga PNP, natabo rong insidente matapos nga gin tirador it biktima rong suspek samtang una sa sangka birthday party it andang kaeapit baeay. Nag-inaway rong daywa ag nagdueomogan, hasta nga ko ulihi hay inaywanan mat-a it suspek rong biktima.
Insigida raya nga gindaea sa Aklan Provincial Hospital pero uwa eon naka abot nga buhi ag nasayuran nga dating may highblood.
Naaresto mat-a rong suspek it Banga PNP ag nakakulong eon sa makarong ag magapangatubang it kasong homicide.
Nasayuran pa gid nga may dati man nga away rong daywa.
