Magulang pilason matapos tiruhon sang manghod.

11
Pilason ang magulang matapos nga tiruhon sang iya nga manghod alas 11:50 sang aga kahapon nga adlaw sa Sitio Turok Bato, Barangay Basag, T’boli, South Cotabato.
Ginkilala ang biktima kay Wekin Tato Balunto, 29 anyos, mangunguma, samtang ginkilala naman ang manghod nga suspek kay Welid Tato Balunto, 27-anyos, pareho residente sang nasambit nga lugr.
Base sa imbestigasyon sang T`boli MPS, ginhambalan suno pa sang biktima ang iya manghod nga ibalik ang trapal nga gingamit sa pagbulad sang mais, apang naakig ang suspek rason nga nagluntad ang mainit nga argumento sa tunga sang mag-utod.
May-angot sini, nagkuha sang armas luthang ang suspek kag gintiro ang magulang nga naigo naman sa tiil.
Gilayon naman nga nagpalagyo ang suspek nga manghod.
Facebook Comments