Iginiit ng House Prosecution Panel na malinaw na “scam” laban sa mamamayang Pilipino ang maling paggamit ni Vice President Sara Duterte ng P612.5 million na confidential funds.
Sinabi ito ni Private Prosecutor Atty. Lorna Kapunan kaugnay sa kanyang presentation sa impeachment trial ng testigo na si Commission on Audit (COA) auditor Roderick Wamil para sa unang article of impeachment.
Sinang-ayunan ito ni House Prosecutor at Bicol Saro Party-list Rep. Terry Ridon sa pamamagitan ng paghahalintulad sa paggamit ni VP Sara ng confidential funds sa fertilizer at Priority Development Assistance Fund (PDAF) scam na “ghost” o hindi matukoy ng mga benepisaryo.
Diin ni Ridon, hanggang ngayon ay hindi tama ang liquidation ng confidential funds ni VP Sara at hindi klaro kung saan o kanina ito napunta.
Hinala ni Ridon, ang confidential funds ay posibleng pinera lang ni VP Duterte at ng kanyang mga kasamahan.
